Ədliyyə nazirinin müavini Abiddin Hüseynov növbədənkənar parlament seçkiləri ilə əlaqədar nazirliyin üzərinə düşən vəzifələrdən söhbət açarkən deyib ki, seçkilərin milli qanunvericiliyə uyğun keçirilməsi məsələsi qarşımızda mühüm vəzifələr qoyur.
Onun sözlərinə görə, nazirliyin seçki prosesində vəzifələrindən biri də penitensiar müəssisələrdə cəza çəkən məhkumların seçki prosesində iştirakının təmin edilməsidir. Məhkumların səsvermə hüququ tam təmin edilir. Qeyd edilib ki, penitensiar müəssisələrdə keçirilən seçkilər təlimata uyğun aparılır və xüsusi komissiya yaradılır. Seçki günü səsverməni izləmək üçün media mənsubları da iştirak edəcəklər.
