Azərbaycan Respublikası Elm və Təhsil Nazirliyinin İnformasiya Texnologi­yaları İnstitutu və Azərbaycan Dövlət Mədəniyyət və İncəsənət Universiteti­nin (ADMİU) elmi şuralarının birgə iclası keçirilib. 

ADMİU-nun rəhbərliyi və digər məsul əməkdaşları institutun AzScien­ceNet, Tədris-İnnovasiya, Multimedia Texnologiyaları və Elektron Kitabxa­na Mərkəzi ilə yaxından tanış olublar. AMEA-nın vitse-prezidenti, institutun baş direktoru, akademik Rasim Əliquli­yev bu elmi qurumda IV Sənaye İnqila­bının və dünyanın qlobal çağırışlarını, ölkəmizin milli və strateji maraqlarından irəli gələn elmi tədqiqatların aparıldığı­nı söyləyib. Akademik qeyd edib ki, ins­titutda süni intellekt, kiberdayanıqlılıq, Big Data, e-dövlət, e-təhsil, Əşyaların İnterneti və s. kimi aktual elmi-nəzəri və tətbiqi problemlər üzrə elmi tədqiqatlar aparılır, yüksəkixtisaslı kadr hazırlığı həyata keçirilir. 

Prezident İlham Əliyevin çıxışla­rında qlobal texnoloji inkişafa adekvat olan, müasir dövrün tələblərinə cavab verən intellektual insan resurslarının yetişdirilməsinin dövlət siyasətinin pri­oritet istiqamətlərindən biri olduğunu qeyd etdiyi, müvafiq dövlət qurum­ları və alimlərin qarşısında mühüm vəzifələr qoyduğu vurğulanıb. Alimin sözlərinə görə, mütəmadi olaraq “ağıl­lanan” süni intellekt texnologiyaları artıq yaradıcı insanlar üçün də ciddi problemlər və narahatlıqlar yaradır. Bü­tün bu intellektual texnologiyalar, eyni zamanda, bədniyyətli təşkilatların əlin­də çox güclü silaha çevrilir. Bu baxım­dan müvafiq normativ-hüquqi bazanın formalaşdırılması və təkmilləşdirilməsi son dərəcə vacibdir. Artıq insanın biolo­ji, intellektual imkanları ilə süni intellek­tin imkanları müqayisəolunmaz həddə gəlib çatmışdır.

AMEA-nın vitse-prezidenti süni in­tellekt texnologiyalarının mədəniyyət və incəsənətin müxtəlif sahələrinə, ya­radıcılıq proseslərinə transformasiyası istiqamətində birgə tədqiqatların apa­rılması, yüksəkixtisaslı kadrların, yeni nəsil yaradıcı insanların hazırlanması­nın qarşıda duran mühüm vəzifələrdən olduğunu söyləyib.

ADMİU-nun rektoru, sənətşünaslıq üzrə elmlər doktoru, professor Ceyran Mahmudova İnformasiya Texnologiya­ları İnstitutu ilə elmi-tədqiqat üzrə birgə fəaliyyətlə yanaşı, tədrisin keyfiyyəti­nin yaxşılaşdırılması və kadr hazırlığı istiqamətində də uğurlu əməkdaşlığın həyata keçiriləcəyinə əminliyini ifadə edib.

İnformasiya Texnologiyaları İnsti­tutunun şöbə müdiri, texnika üzrə fəl­səfə doktoru, dosent Fərhad Yusifov ADMİU-nun magistraturasında tədris üçün hazırlanmış “Süni intellekt və in­cəsənət” fənni üzrə proqram haqqında ətraflı məlumat verib. O, proqramın institutun qabaqcıl alimlərinin təklifləri, həmçinin dünyanın aparıcı universitet­lərinin təcrübəsinə əsaslanaraq tərtib edildiyini diqqətə çatdırıb.

Daha sonra elmi şuraların birgə iclası interaktiv dialoq formatında da­vam edib. Müzakirələr zamanı iki qu­rum arasında mədəniyyət, incəsənət və süni intellekt məsələlərinə həsr olunmuş birgə tədqiqatların aparılma­sı, layihələrin həyata keçirilməsi, elmi konfrans və seminarların təşkilinə dair təkliflər də irəli sürülüb.

XQ