Dünən Səudiyyə Ərəbistanı Krallığının Azərbaycandakı səfiri İssam bin Saleh əl-Cuteyli Azərbaycan Mətbuat Şurasında olub.
Qonağı salamlayan AMŞ sədri Rəşad Məcid rəhbərlik etdiyi qurumun fəaliyyət istiqamətləri barədə məlumat verib. O, ötən il Səudiyyə Ərəbistanında keçirilmiş media forumunu xoş duyğularla xatırlayıb. Şura sədri Azərbaycan jurnalistlərinin Səudiyyə Ərəbistanındakı həmkarları ilə təmaslarının güclənməsinin vacibliyindən söz açıb.
Səfir İssam bin Saleh əl-Cuteyli də iki ölkənin media təmsilçiləri arasında əlaqələrin genişlənməsinin xalqlarımızın bir-birinə daha da yaxınlaşması baxımından önəmini qeyd edib. Səfir bildirib ki, rəhbərlik etdiyi diplomatik missiya səudiyyəli jurnalistlərin Azərbaycana səfərini təşkil etməyi nəzərdə tutur.
XQ
