Dekabrın 16-da Tbilisidə “Qərbi Azərbaycana Qayıdış beynəlxalq müstəvidə” mövzusunda forum keçirilib.

Tədbirin təşkilatçısı “Gənclərin Təşəbbüsünə və İnkişafına Dəstək” İctimai Birliyinin sədri Toğrul Allah­verdili çıxışında bildirib ki, forumun əsas məqsədi Gürcüstanda yaşa­yan soydaşlarımız, eləcə də Qərbi Azərbaycandan olan soydaşlarımızla Qərbi Azərbaycana Qayıdış Konsep­siyasını müzakirə etmək, gürcü poli­toloqların, tarixçilərin məsələ ilə bağlı fikirlərini öyrənməkdir.

Azərbaycan Respublikası Milli Məclisinin deputatı Naqif Həmzəyev bildirib ki, Azərbaycan daim sülhün və əmin-amanlığın tərəfdarı olub. La­kin bəzi separatçı qüvvələr regionda sülhü pozmağa çalışıblar və Azər­baycan regionda davamlı sülhün tə­min olunması üçün bütün ilkin zəruri tədbirləri görüb. Bu tədbirlər Qərbi azərbaycanlıların öz torpaqlarına qa­yıtmaq ümidlərini artırıb və onlar ina­nırlar ki, bu gün heç də uzaqda deyil. 

Sonra Azərbaycan Respublikası Gənclər Fondunun icraçı direktoru­nun müavini Orxan Ərəbov, KOBİA yanında ictimai şuranın sədri Fərhad Qaraşov və başqaları çıxış edərək mövzu ilə bağlı fikirlərini bölüşüblər. 

Forum panel iclaslarda işini da­vam etdirib.

XQ