Dünən Bakıda “İraq türkmanları və Türk dünyası: Tarixi yaddaşın bərpası” mövzusunda beynəlxalq konfrans keçirilib.
Bakı Beynəlxalq Multikulturalizm Mərkəzi ilə Beynəlxalq Münasibətlərin Təhlili Mərkəzinin birgə təşkilatçılığı ilə keçirilən tədbirdə Azərbaycanla yanaşı, İraq, Niderland, Almaniya və Türkiyədən gələn tanınmış ictimai xadimlər, media və qeyri-hökumət təşkilatlarının nümayəndələri iştirak edirlər.
Bakı Beynəlxalq Multikulturalizm Mərkəzinin İcraçı direktoru Rəvan Həsənov bildirib ki, konfrans çərçivəsində eyni irsin, dilin, ədəbiyyatın tədqiq olunması, gələcək əməkdaşlıqların qurulması istiqamətində aparılacaq müzakirələrin, müxtəlif dövlət qurumları ilə görüşlərin, təqdimatların Türk dünyasına töhfə verəcəyindən əminliyini ifadə edib.
Beynəlxalq tədbirin İraqla Azərbaycan arasında ikitərəfli əlaqələr çərçivəsində təşkil olunduğunu diqqətə çatdıran Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev konfransın əhəmiyyətindən danışıb.
İraqın Azərbaycandakı səfirliyinin müvəqqəti işlər vəkili Maki Rossan Al-Mamori Azərbaycan ilə İraq arasındakı əlaqələrin inkişaf etdirilməsi istiqamətində müvafiq işlər görüldüyünü diqqətə çatdırıb.
Təşkilatçılığa görə ev sahibinə təşəkkürünü bildirən İraq parlamentinin deputatı Ərşad Saleh, Kərkük Türkman Mədəniyyət Dərnəyinin rəhbəri Şəmsəddin Küzəçi, Türk dünyası ölkələrinin bir-birinə daha da yaxınlaşmasının əhəmiyyətini vurğulayıb. Konfrans işini bölmə iclasları ilə davam etdirib.
XQ