Dünən Heydər Əliyev Mərkəzində Yeni Azərbaycan Partiyasının Mərkəzi Aparatı və Azərbaycan Dövlət Neft və Sənaye Universitetinin birgə təşkilatçılığı ilə Ümummilli lider Heydər Əliyevin 100 illik yubileyinə həsr olunmuş “Keçmişə ehtiram, gələcəyə inamla: Heydər Əliyev irsindən bəhrələnən müasir Azərbaycan gəncliyi” mövzusunda tədbir keçirilib.

YAP Sədrinin müavini – Mərkəzi Aparatın rəhbəri Tahir Budaqov bildirib ki, anadan olmasının 100-cü ildönümü­nü dərin ehtiramla və böyük minnət­darlıqla qeyd etdiyimiz Ümummilli lider Heydər Əliyev Azərbaycana rəhbərliyi­nin hər iki dövründə taleyüklü qərarları ilə ölkəni tənəzzüldən xilas edərək sa­bitlik və inkişaf yoluna çıxarıb, məqsəd­yönlü və uzaqgörən siyasəti ilə res­publikamızın gələcək inkişaf yolunu müəyyən edib. Ulu öndərin Azərbayca­nın parlaq gələcəyi naminə müstəsna xidmətlərindən biri də mükəmməl və milli gənclər siyasətininəsaslarını ya­ratmasıdır. 

YAP İdarə Heyətinin üzvü, ADN­SU-nun rektor əvəzi Vazeh Əskərov, Elm və təhsil naziri Emin Əmrulla­yev, Ekologiya və təbii sərvətlər naziri Muxtar Babayev, Rəqəmsal inkişaf və nəqliyyat naziri Rəşad Nəbiyev, Azər­baycan Respublikasının Prezidenti yanında Vətəndaşlara Xidmət və Sosi­al İnnovasiyalar üzrə Dövlət Agentliyi­nin sədri Ülvi Mehdiyev və digər çıxış edənlər bildiriblər ki, gənclərin daim in­kişaf etməsi və cəmiyyət həyatında öz layiqli yerini tutması məhz Ümummilli lider Heydər Əliyevin əsasını qoyduğu və Prezident İlham Əliyevin inamla da­vam etdirdiyi gənclər siyasətinin nəticə­sidir. 

XQ