Türkiyə özünün ilk müşahidə peykini bu gün kosmosa buraxır. Bu barədə bir neçə gün əvvəl Türkiyə Prezidenti Rəcəb Tayyib Ərdoğan özünün “Twitter” hesabında yazmışdı.
Dövlət başçısı aprelin 11-də baş tutacaq hadisə ilə bağlı qeyd etmişdi: “Bizim milli müəssisələrdə istehsal olunmuş və yüksək səviyyəli çəkiliş imkanlarına malik ilk IMECE müşahidə peykimiz kosmosda özünün orbitinə buraxılacaq”.
Qeyd edək ki, bununla Türkiyənin yerətrafı orbitdəki peyk qruplaşmalarının sayı 10 aparata çatacaq. Ərdoğanın sözlərinə görə, Türkiyə özünün insan ehtiyatlarının, imkanlarının və texnologiyalarının hesabına qlobal kosmik yarışda inkişafını davam etdirir.
Aprelin əvvəllərində Türkiyə lideri ölkəsinin Ukrayna münaqişəsinin başa çatması uğrundakı səyləri haqqında danışmış, qeyd etmişdi ki, Ankara bu böhran üzrə balanslaşdırılmış və ölçülüb-biçilmiş siyasət aparır.
“Xalq qəzeti”
