Sənaye müəssisələri və bu sahədə fəaliyyət göstərən fərdi sahibkarlıq obyektlərində cari ilin yanvar–oktyabr aylarında 53,3 milyard manatlıq və ya 2023-cü ilin müvafiq dövrü ilə müqayisədə 2,2 faiz çox sənaye məhsulu istehsal edilib.
Dövlət Statistika Komitəsinin yaydığı məlumatda daha sonra bildirilir ki, neft-qaz sektorunda məhsul istehsalı 1,5 faiz, qeyri neft-qaz sektorunda isə 8,7 faiz çoxalıb. Sənaye məhsulunun 64 faizi mədənçıxarma, 30,3 faizi emal, 4,7 faizi elektrik enerjisi, qaz istehsalı, bölüşdürülməsi və təchizatı, 1 faizi isə su təchizatı sektorlarında istehsal olunub.
Emal sektorunda əczaçılıq məhsullarının istehsalı 68,4 faiz, avtomobil istehsalı 58,4 faiz, metallurgiya sənayesi məhsullarının istehsalı 30,3 faiz, elektrik avadanlıqlarının istehsalı 29,6 faiz artıb.
