Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili Bakıda keçirilən “Gömrük-Biznes Forumu 2023”də çıxışı zamanı bildirib ki, yanvar–sentyabr aylarında respublikada açılan yeni iş yerlərinin 93 faizi özəl sektorda yaradılıb.
T.Mirkişili əlavə edib ki, iqtisadi artım qabaqcıl və səmərəli özəl təşəbbüslərə söykənməli, dövlət və özəl əməkdaşlığı gücləndirməlidir. Yenilikçiliyə malik özəl sektorda aktivlik daha da canlandırılmalı, qeyri-neft sektorunun maliyyələşməsində özəl sektorun payı artırılmalıdır. Özəl sektorun, xüsusilə də kiçik və orta sahibkarlığın iqtisadi artımın və məşğulluğun başlıca mənbəyinə çevrilməsi üçün işgüzar mühit əhəmiyyətli dərəcədə yaxşılaşdırılmalı, məhkəmə-hüquq sistemində şəffaflıq artırılmalı, haqsız rəqabətin qarşısı alınmalıdır. Yeni və şəffaf özəlləşmə strategiyası həyata keçirilməlidir.
O, bütün bunlarla bərabər, biznesin təşviqi mexanizmlərinin iqtisadi səmərəsinin artırılması, sahibkarlıq fəaliyyətinin stimullaşdırılması zəruriliyini də diqqətə çatdırıb.
XQ