Energetika Nazirliyinin hesabatına görə, cari ilin yanvar–aprel aylarında Azərbaycanda günəş elektrik stansiyalarında elektrik enerjisi istehsalı 1,1 milyon kVt/saat yaxud 6,1 faiz artaraq 19,1 milyon kVt/saat təşkil edib.

Qeyd edilən dövrdə külək elekt­rik stansiyalarında istehsal edilən elektrik enerjisinin həcmi 10,8 mil­yon kVt/saat və ya 33,54 faiz aza­laraq 21,4 milyon kVt/saat, Bərk Məişət Tullantılarının Yandırılması Zavodunda isə 7,5 milyon kVt/saat yaxud 9,87 faiz artaraq 83,5 milyon kVt/s təşkil edib.

Hesabat dövründə elektrik enerjisinin istehsalı 2022-ci ilin yanvar–aprel aylarına nisbətən is­tilik elektrik stansiyalarında 644,8 milyon kVt/saat və ya 7,48 faiz ar­taraq 9 milyard 266,1 milyon kVt/saat, su elektrik stansiyalarında 30,6 milyon kVt/saat yaxud 6,21 faiz azalaraq 462 milyon kVt/saat, digər mənbələr üzrə isə 2,2 milyon kVt/saat və ya 1,74 faiz azalaraq 124 milyon kVt/saat təşkil edib.

Qeyd edək ki, 4 ay ərzində respublika üzrə elektrik enerjisinin istehsalı ötən ilin müvafiq dövrü ilə müqayisədə 600,3 milyon kVt/saat, yəni 6,5 faiz artaraq 9 mil­yard 852,1 milyon kVt/saat olub.

“Xalq qəzeti”