Son 10 il ərzində Azərbaycan iqtisadiyyatına 62,3 milyard dollar investisiya cəlb olunub.
Bu barədə iqtisadiyyat nazirinin müavini Sahib Məmmədov Azərbaycan iqtisadiyyatının dayanıqlı inkişaf məqsədlərinin (DİM) maliyyələşdirilməsi üçün “İnvestor xəritəsi”nin təqdimatında deyib.
Nazir müavini bu göstəricilərin hər il artdığını və Azərbaycan iqtisadiyyatına birbaşa xarici investisiyaların getdikcə daha çox artacağından əmin olduğunu vurğulayıb.
“Biz 2017, 2019 və 2020-ci illər ərzində BMT-yə DİM-in həyata keçirilməsinə dair 3 hesabat təqdim etmişik. Sonuncu hesabatda mövqeyimizi yaxşılaşdıraraq 50-ci yeri tutduq. Qeyd etmək istəyirəm ki, Azərbaycan üzrə DİM-in reallaşdırılması üzrə növbəti hesabatın BMT-yə 2024-cü ilin iyun ayında təqdim olunması planlaşdırılır və əminik ki, ölkəmizim mövqeyi daha da yaxşılaşacaq”, – deyə bildirib.
“Xalq qəzeti”
