Avropa Gimnastikası Azərbaycan akrobatlarının Gimarayşda (Portuqaliya) keçirilən dünya çempionatındakı çıxışını qiymətləndirib.
Təşkilatın “AKRO-2024-ün liderləri” adı altında sosial şəbəkədə paylaşımında 8 medal qazanan yığmamızın yekun nəticədə 3-cü pillədə qərarlaşdığı bildirilib.
Komandamızın heyətində Ağasif Rəhimov–Raziyə Seyidli qarışıq cütü balans və qarışıq hərəkətlərdə qızıl, temp hərəkətləri üzrə bürünc, Daniel Abbasov–Murad Rəfiyev kişi cütünün qarışıq və balans hərəkətlərdə qızıl, temp üzrə hərəkətlərdə bürünc, Riyad Səfərov–Rəsul Seyidli–Seymur–Cəfərov və Abdulla Əl-Məşayxidən ibarət heyət isə temp hərəkətində bürünc medal qazanması vurğulanıb. Bundan başqa, ölkəmizin komanda yarışlarında gümüş medala sahib olması qeyd edilib.
Xatırladaq ki, 4 qızıl, 1 gümüş və 3 bürünc qazanan ölkəmiz medal sıralamasında Belçika (5-1-0) və Çindən (5-0-1) geri qalıb.
L.QURBANOVA
XQ
