Bakıda ilk dəfə bədii gimnastika üzrə Avropa Kuboku yarışı təşkil ediləcək.
2024-cü ildə Avropa Gimnastikasının təşəbbüsü ilə reallaşacaq yarış yeni formatı ilə fərqlənəcək. Qitə turnirinin proqramına “çarpaz-qarşılaşmalar” salınıb. Bu, gimnastların təsnifat yarışlarından sonra final mərhələsinə yüksəlmələri üçün püşkatma əsasında birbaşa bir-biriləri ilə yarışdıqları mübarizədir.
Çoxnövçülük, komanda hesabı və fərdi proqramda keçirilən yarışlarda təkcə böyüklər deyil, gənclər də iştirak edəcəklər.
Avropa Kuboku yarışı 2024-cü il martın 29-dan 31-dək Milli Gimnastika Arenasında təşkil ediləcək.
Leyla SABİRQIZI
XQ
