Ser Bobbi Çarlton 86 yaşında dünyasını dəyişib

Yerli media portalları yazır ki, 2020-ci ildə demensiya (yaddaşın, düşüncənin, fəaliyyət qabiliyyətinin pozulması) diaqnozu qoyulmuş dahi futbolçu dünyadan rahat və ağrısız köçüb.

Azarkeşlərin fəxr və sevgi ilə “İngiltərə futbolunun Pelesi” adlandırdığı, 1966-cı ildə yığma komandanın tərkibində dünya çempionluğunu qazanmış Bobbi Çarlton 17 il “Mançester Yunay­ted” klubunun formasını geyinib. O, İngiltərə yığmasında keçirdiyi 106 oyunda 49 qol vurub. 

“Mançester Yunayted”in stadi­onunda klubun tarixində ən məş­hur futbolçuların – “müqəddəs üç­lüy”ün (Bobbi Çarlton, Denis Lou və Corc Best) əksi olan banerin aşağısında bu sözlər yazılıb: “Nü­munəvi və vicdanlı davranışına görə ona hamı rəğbət bəsləyirdi. Ser Bobbini həmişə futbol nəhən­gi kimi xatlırlayacağıq”. 

Yeri gəlmişkən, 1958-ci ildə Belqraddan Münhenə uçan, göyərtəsində “Mançester Yunay­ted” klubunun futbolçularının və rəhbər heyətin olduğu təyyarə­nin hava limanında qəzaya uğra­ması nəticəsində 44 sərnişindən 23-ü həlak olmuşdu. 21 yaşlı Bobbi həmin qəzadan yüngül xəsarətlə qurtulmuşdu. 

İ.HƏSƏNQALA
XQ