Britaniyalı alimlər karbon qazını effektiv şəkildə udan və oksigeni buraxan “Chroococcidiopsis cubana” bakteriyasından ibarət bioboya hazırlayıblar. Tədqiqatçıların fikrincə, bu bioboya həm Yerdə, həm də Marsın sərt mühitində istifadə oluna bilər. 

“Chroococcidiopsis cu­bana” bakteriyaları Marsdakı şəraitə bənzəyən səhralarda yaşayır. Mikroorqanizmlər həd­dindən artıq zəif işıq şəraitində belə fotosintez etmək qabi­liyyəti sayəsində sağ qalırlar. Mikrobioloqlar mikroorqanizm­lərin təhlükəsiz şəkildə mövcud ola biləcəyi lateks və gil nano­hissəcikləri əsasında xüsusi ör­tük yaradıblar. Daha sonra mik­robların 30 gün ərzində karbon dioksidi udub və oksigen buraxmalarını müşahidə ediblər.

Tədqiqatın müəllifi və bakterioloq Susi Hanqli Uilson, “Mexaniki cəhətdən dayanıqlı hazır bio örtüklər və ya “canlı boyalar” adətən su tələb edən biore­aktor əsaslı proseslərdə su istehlakını azaltmaqla bu problemləri həll etməyə kömək edə bilər”, – deyib.

XQ