Sloveniyanın Maribor şəhərində məktəbli boksçular arasında keçirilən Avropa birinciliyində təmsilçilərimizin uğurlu çıxışı davam edir.
Komandamızın üzvlərindən İsmayıl Vəliyev (70 kq) və Səftər Məmmədzadə (90 kq) yarımfinala yüksəlməklə özləri üçün ən azı bürünc medalı təmin ediblər.
Dörddəbir finalda Toğrul Quliyev (57 kq), Şahin Aslanov (52 kq), Seydəmir Quliyev (54 kq), Adil Zalov (63 kq), Nicat İmanov (66 kq) və Mədinə Məmmədova da (60 kq) yarımfinal üçün mübarizə aparacaqlar.
L.SABİRQIZI, “Xalq qəzeti”