Azərbaycan pauerliftinqçiləri Birləşmiş Ərəb Əmirliklərinin Dubay şəhərində keçirilən dünya çempionatında uğurla çıxış ediblər.
Təmsilçimiz Zəhra Dadaşova 2 qızıl medal qazanıb. İdmançı +55 kq çəki dərəcəsində gənclərin yarışında ən yaxşı nəticəyə (78 kq) və ümumi çəkiyə görə (223 kq) buna nail olub. Onun komanda yoldaşı Leyla Kərimova (+86 kiloqram) isə mundialda ən yaxşı nəticəyə (78 kiloqram) və ümumi çəkiyə görə (148 kiloqram) qızıl medallara sahib olub. Komandamızın digər üzvü Talıb Zeynalov (+107 kiloqram) gənclərin yarışında 2 gümüş medal qazanıb. O, ən yaxşı nəticəyə (160 kiloqram) və ümumi çəkiyə görə (307 kiloqram) fəxri kürsüyə qalxıb.
L.SABİRQIZI, “Xalq qəzeti”