Niderlandın Eyndhoven şəhərində yeniyetmələrin Ümumdünya Şahmat Olimpiadasında Azərbaycan təmsilçisi uğurla çıxış edib.
Şahmatçımız Read Səmədov birinci lövhədə 9 oyundan 8 xal toplamaqla ən yüksək nəticə sahibi kimi qızıl medala layiq görülüb. Mükafatlandırma mərasimində onun şərəfinə Azərbaycan himni səsləndirilib.
Qeyd edək ki, komandamız mötəbər yarışı 12-ci pillədə başa vurub.
47 ölkədən 63 komandanın mübarizə apardığı olimpiadada Azərbaycan millisi Read Səmədov, Xaqan Əhməd, Cahandar Azadəliyev və Nərmin Abdinova ilə təmsil olunub.
Leyla QURBANOVA, “Xalq qəzeti”