Almaniyanın Berlin şəhərində Ümumdünya Xüsusi Yay Olimpiya Oyunlarında komandamızın çıxışı davam edir. Yığmamız növbəti medallarını cüdo və stolüstü tennis növləri üzrə qazanıb.
Təmsilçimiz Kamran Quliyev (60 kq) finala qədər uğurla irəliləsə də, həlledici mərhələdə Kot-d’İvuar idmançısına məğlub olaraq, ikinciliklə kifayətlənib. Stolüstü tennis üzrə idmançımız Ülkər Quliyevanın da çıxışı uğurlu alınıb. Fərdi yarışlarda yalnız finalda uduzan təmsilçimiz gümüş medala layiq görülüb.
Qeyd edək ki, bundan əvvəl üzgüçülük, pouerliftinq və gimnastika növlərinin hərəsində idmançılarımız 4 medal qazanıblar.
Leyla SABİRQIZI, Xalq qəzeti”