Bakının Pirallahı rayonundakı Nərəkənd parkında ulu öndər Heydər Əliyevin 100 illik yubileyinə həsr olunmuş triatlon üzrə “IronWind” açıq ölkə turniri keçirilib.
Azərbaycanla yanaşı, Türkiyə, ABŞ, Böyük Britaniya, Xorvatiya, Rusiya və digər ölkə təmsilçilərinin də iştirak etdiyi yarışda 83 idmançı gücünü sınayıb.
Qadınların “Absolute” kateqoriyası üzrə yarışında ilk üçlükdə İnna Anisimova, Rabiyə Oruclu və Natalya Vallek yer alıblar. Kişilərin mübarizəsində isə Oleksandr Mordasov birinci olub. Teymur Fərəcov yarışı ikinci, Konstantin Vedmed isə üçüncü pillədə başa vurublar.
L.QURBANOVA, “Xalq qəzeti”
