Bakı Şəhər Trekində Azərbaycanın ümummilli lideri Heydər Əliyevin 100 illik yubileyi şərəfinə veloyürüş keçirilib.
Heydər Əliyevin anadan olmasının 100 illiyi münasibətilə təşkil olunan silsilə tədbirlər çərçivəsində Azərbaycan Müdafiə Sənayesi Nazirliyi və Azərbaycan Velosiped İdmanı Federasiyası (AVF), Azərbaycan Avtomobil Federasiyası (AAF) və Bakı Şəhər Halqası Əməliyyat Şirkəti aprelin 30-da Azərbaycan Formula 1 üzrə Qrand-ın əsas mərhələsi öncəsi Bakı şəhər trekində veloyürüş keçirilib.
Veloyürüşdə Azərbaycanın müdafiə sənayesi naziri, Azərbaycan Velosiped İdmanı Federasiyasının prezidenti Mədət Quliyev, Qazaxıstandan olan məşhur olimpiya çempionu Aleksandr Vinokurov, Azərbaycan milli komandasının üzvləri, həmçinin AVF və Nazirliyin əməkdaşları iştirak ediblər.
Əvvəlcə Azərbaycanın dövlət himni səsləndirilib. Sonra iştirakçılar Bakı şəhər magistral yolu ilə hərəkətə başlayıblar.
Prezident İlham Əliyevin rəhbərliyi ilə Azərbaycanda bədən tərbiyəsi və idmanın inkişafı daim diqqət mərkəzindədir. Artıq 7-ci dəfədir ki, Bakıda Formula 1 üzrə dünya çempionatı yarışı keçirilir və bu da ölkəmizdə idmanın yüksək inkişaf səviyyəsinin göstəricisidir. Qeyd edək ki, bu il Bakıda Formula 1 üzrə dünya çempionatının 4-cü mərhələsi keçirilir. Altı kilometrlik trek məşhur alman memarı Herman Tilke tərəfindən layihələndirilib.
