Qadın voleybolçular arasında Azərbay­can Yüksək Liqasının əsas mərhələsi başa çatıb. Voleybol Mərkəzində təşkil olunan XII turda “Abşeron” klubu “Murov”la, “Azərreyl” isə UNEC-lə üz-üzə gəlib. Gö­rüşlərin hər ikisində 3:0 hesabı qeydə alınıb. 

“Abşeron” – “Murov” qarşılaşması ilə start götürən XII turda Famil Ağayevin ko­mandası hər üç setdə qalib gəlib. Beləliklə, matç “Abşeron”un 3:0 hesablı qələbəsilə yekunlaşıb. 

XII turun son qarşılaşması “Azərreyl” və UNEC komandaları arasında olub. Rəqibinə şans verməyən “Azərreyl” də matçda 3:0 he­sablı qələbəyə sevinən tərəf olub. 

Beləliklə, əsas mərhələnin son turun­dan sonra komandaların turnir cədvəlindəki mövqeyi belədir: 29 xalla “Azərreyl” birinci, 23 xalla “Abşeron” ikinci, 20 xalla “Murov” üçüncü, hesabında xal olmayan UNEC isə dördüncü olub. 

Qeyd edək ki, dörd dövrənin nəticələrinə görə, yarımfinal mərhələsində turnir cədvə­lində birinci olan “Azərreyl” dördüncü yerin sahibi UNEC-lə, ikinci olan “Abşeron” isə üçüncü yeri tutan “Murov”la üz-üzə gələcək. Yarımfinal mərhələsi iki qələbəyə, final mər­hələsi isə üç qələbəyə kimi oynanılacaq. 

E.AĞAMİRZƏ, “Xalq qəzeti”