Azərbaycan Şahmat Federasiyası “Heydər Əliyev İli”nə həsr olunan ge­niş tədbirlər planını təsdiqləyib. 

Federasiyanın mətbuat xidmətinin məlumatına görə, il ərzində paytaxt Bakı­da və digər şəhərlərdə ulu öndər Heydər Əliyevin anadan olmasının 100 illiyinə həsr olunan yerli və beynəlxalq turnirlər təşkil edəcək. Silsilə tədbirlər sırasında Bakıda və digər regionlarda 100 lövhədə eyni anda seanslar, rapid yarışlar, tanın­mış azərbaycanlı şahmatçıların gənclərlə görüşü, beynəlxalq OPEN turniri və digər tədbirlər daxil edilib. 

Bildirilib ki, ulu öndər Heydər Əliyevin qayğısı və dəstəyi sayəsində dünya idma­nına Şəhriyar Məmmədyarov, Teymur Rə­cəbov, Vüqar Həşimov və digər nəhəng şahmatçılar bəxş olunub. 

Qeyd edək ki, Azərbaycan Şahmat Federasiyası ölkədə fəaliyyət göstərən şahmat məktəblərinə qədim oyunla bağlı ləvazimatların təqdim olunmasına başla­yıb. Artıq Quba və Bakının bir neçə mək­təbinə müvafiq şahmat vəsaitləri hədiyyə olunub.

Elçin AĞAMİRZƏ, “Xalq qəzeti”