ABŞ prezidenti Donald Trampın xüsusi elçisi Stiven Uitkoffun içərisində olduğu güman edilən təyyarə fevralın 4-də Ukraynadakı münaqişənin həlli ilə bağlı üçtərəfli danışıqların keçiriləcəyi Əbu-Dabi hava limanına eniş edib.
TASS agentliyinin mənbəyi bildirib ki, “ABŞ prezidentinin xüsusi nümayəndəsini daşıyan təyyarə gəlib”.
Rusiya, ABŞ və Ukrayna tərəflərinin iştirak edəcəyi danışıqlar 4 fevral çərşənbə axşamından 5 fevral cümə axşamına qədər Birləşmiş Ərəb Əmirliklərinin (BƏƏ) paytaxtında keçiriləcək.
Ağ Evin mətbuat katibi Kerolin Livitt bir gün əvvəl ABŞ prezidentinin kürəkəni Cared Kuşner kimi Uitkoffun da danışıqlar üçün Əbu-Dabiyə gələcəyini açıqlamışdı. Eyni zamanda, Kremlin sözçüsü Dmitri Peskov Rusiya danışıqlar qrupuna Silahlı Qüvvələrin Baş Qərargahı Baş İdarəsinin rəisi admiral İqor Kostyukovun rəhbərlik edəcəyini açıqlamışdı.
P.ƏMİRCANOV
XQ
.jpg)
.jpg)
