Türkiyənin xarici işlər naziri Hakan Fidan Çinin xarici işlər naziri Vanq İ ilə görüşüb. Məlumatı XQ “Anadolu” agentliyinə istinadən yayıb.
Türkiyə Xarici İşlər Nazirliyindən verilən məlumata görə, Fidan və çinli həmkarı Vanq İ Cənubi Afrikanın Yohannesburq şəhərində keçirilən G20 xarici işlər nazirlərinin toplantısı çərçivəsində görüşüblər.
Görüş zamanı ikitərəfli siyasi və iqtisadi əlaqələr müzakirə edilib, əməkdaşlıq imkanları qiymətləndirilib.
Görüş zamanı nazirlər Rusiya-Ukrayna müharibəsi, Suriya və Qəzza zolağı ilə bağlı vəziyyəti nəzərdən keçiriblər.
Xarici işlər nazirləri digər qlobal təhlükəsizlik məsələlərini müzakirə edib, beynəlxalq sabitliyə təhdidlər barədə fikir mübadiləsi aparıblar.
P.ƏMİRCANOV
XQ
