Avstraliyanın “Morse Micro” şirkəti “Wi-Fi” texnologiyasında “HaLow” standartı ilə 15.9 kilometr simsiz əlaqə yaratmaqla yeni dünya rekorduna imza atıb. Şirkətin həyata keçirdiyi yeni sınaqda bağlantı saniyədə 2 meqabit sürətlə təmin edilib.
Bu ilin yanvarında şirkət San-Fransiskoda “Wi-Fi” texnologiyası ilə 2.9 kilometr bağlantı yarada bilmişdi. Yeni rekord əvvəlki məsafədən 5 dəfədən də çoxdur. Bu nəticə “HaLow” texnologiyasının maksimum diapazonu hesab edilir.
“HaLow” texnologiyası, xüsusilə kənd yerlərində və əkinçilik kimi açıq tətbiqlərdə böyük potensial vəd edir, geniş ərazilərdə əlverişli internetə çıxış təmin edə bilər. İT və texnologiya ekspertləri bildirirlər ki, “HaLow” şəhərlərdə və qapalı məkanlarda məhdud faydalı ola bilər.
Rizvan FİKRƏTOĞLU
XQ
