İyulun 16-da Pakistanın Xayber-Paxtunxva əyalətinin Banu rayonunda 10 terrorçunun hərbi düşərgəyə hücumu nəticəsində səkkiz hərbçi ölüb, terrorçuların hamısı məhv edilib.
Pakistan mətbuatının verdiyi məlumata görə, hücumu Pakistandakı “Taliban” hərəkatının “Xafiz Qul Baxadur” qruplaşmasının üzvləri törədib.
Həmin gün əyalətin Dera İsmayıl xan rayonundakı tibb mərkəzinə hücum zamanı törədilən digər terror aktında isə 5 mülki vətəndaş, 2 tibb işçisi öldürülüb. Hadisə yerinə gələn hərbçilərdən 2-si atışmada həlak olub, 3 terrorçu sıradan çıxarılıb.
İkinci terror aktına görə məsuliyyəti hələ ki, regionda olan heç bir qruplaşma öz üzərinə götürməyib.
Qulu KƏNGƏRLİ,
XQ-nin xüsusi müxbiri
İslamabad
.jpg)
