Türkiyənin şimal-qərbində 3 avtobus, 1 yük maşını və 3 minik avtomobili toqquşub. Qəzaya duman səbəb olub. Bu barədə “TRT Haber” məlumat verib. Bildirilib ki, toqquşma nəticəsində azı 11 nəfər ölüb.
Qəza səhər tezdən Sakarya vilayətinin Dağdibi qəsəbəsi yaxınlığında, İstanbula gedən magistral yolda baş verib. Hadisə şahidlərinin sözlərinə görə, qəza zəncirvari xarakter daşıyıb: əvvəlcə qatı dumanda yoldan keçən iki avtomobil toqquşub, sonra isə daha bir neçə avtomobil sürətlə onlara çırpılıb.
Sakarya valisi Yaşar Karadeniz 11 nəfərin öldüyünü təsdiqləyib, daha 57 nəfərin xəstəxanaya aparıldığını bildirib. Amma onların vəziyyəti barədə məlumat verməyib. Xilasedicilər yolun qəza baş verən hissəsini müvəqqəti bağlayıb.
P.ƏFƏNDİ
XQ
