Çinli alimlər bunun yolunu tapıblar
Alimlər hiqroskopik gel və duzlardan istifadə edərək quraq icmaları su ilə təmin etməyi hədəfləyən texnologiya yaradıblar.
Hazırda 2,2 milyarddan çox insan su çatışmazlığı olan ölkələrdə yaşayır və BMT-nin hesablamalarına görə, hər il 3,5 milyon insan kəskin su çatışmazlığı ilə bağlı xəstəliklərdən həlak olur. İçməli suya ən çox ehtiyacı olan ərazilər də dünyanın ən günəşli yerlərində yerləşdiyinə görə təmiz su əldə etmək üçün günəş işığından istifadə etməyə böyük maraq var idi.
Məhz buna görə də, Çinin Şanxay Jiao Tonq Universitetinin tədqiqatçıları günəş enerjisi ilə işləyən suyun yığılması texnologiyasını hazırlayıblar. Çinli alimlər böyük miqdarda suyu udmaq və saxlamaq qabiliyyətinə malik olan “super hiqroskopik gel” ixtira ediblər.
Qeyd edək ki, bir kiloqram quru gel quraq atmosfer mühitində 1,18 litr, rütubətli mühitidə isə 6,4 litrə qədər su yaratmaq qabiliyyətinə malikdir.
Ayan SƏMƏDQIZI,
tələbə-jurnalist