Müasir smartfonların əksəriyyəti artıq istifadəçilərin gözlərindəki gərginliyi azaldan “Qaranlıq rejim” və “Gecə rejimi” kimi funksiyalarla təchiz olunub. İndi onlar Face ID-ni dəstəkləyən cihazlar üçün “Ekran məsafəsi” seçimini əlavə ediblər.
İstifadəçinin gözləri ilə displey arasındakı məsafəni müəyyən etmək üçün selfi kamerası və digər “iPhone” sensorlarından istifadə edilir. Cihaz bir neçə dəqiqə ərzində gözlərinizə 30 santimetr məsafədən yaxın olarsa, ekranda mesaj görünür.
Yeni funksiyanın məqsədi gözün yorulma ehtimalını azaltmaqdır.
Bəs “Ekran məsafəsi”ni necə aktivləşdirmək olar? Bunun üçün əvvəlcə parametrlər açılır, sonra “Ekran vaxtı” bölməsinə keçilir. Daha sonra “Ekran məsafəsi” tapılır və açar işə salınır.
Bu funksiya “iPhone X” və ya daha yeni versiyalarda iOS 17, “iPad Pro 11” və ya daha yeni iPadOS 17 ilə işləyir.
P.ƏFƏNDİ
XQ
