“Google Arts & Culture” saytı ziyarətçilərin müxtəlif mövzular və hekayələr üzrə Leonardo da Vinçinin rəsmlərinə baxa biləcəyi “Inside A Genius Mind”(“Dahi zəkalar dünyasında”) adlı onlayn arxiv yaradıb.
Bu məqsədlə Milli İncəsənət Qalereyası, Britaniya Kitabxanası da daxil olmaqla 28 müxtəlif qurum və 8 ölkə ilə əməkdaşlıq qurulub. Arxiv bu günə qədər yaradılmış ən böyük Leonardo da Vinçi arxivi hesab olunur.
Xatırladaq ki, o, intibah dövründə yaşamış filosof, astronom, memar, mühəndis, ixtiraçı, riyaziyyatçı, anatomist, musiqiçi, heykəltəraş, botanik, geoloq, yazıçı və rəssam olmuşdur. O, həyatı boyu bütün bu sahələrdə araşdırmalar aparmışdır. Təxminən 6 min səhifəni əhatə edən bu qeydləri indi süni intellekt vasitəsilə yaradılmış təcrübə ilə öyrənmək mümkündür.
F. HÜQUQQIZI, “Xalq qəzeti”