İtaliyada süni intellektin artan istifadəsi səbəbindən 8,4 milyon iş yeri risk altında olacaq. Qeyd edilir ki, işçilərin ümumi sayının 36,2 faizinə texnoloji transformasiyaların və avtomatlaşdırma proseslərinin nəticələri təsir edəcək.
Mütəxəssislərin fikrincə, inkişaf etmiş intellektual və inzibati bacarıq tələb edən peşələrin nümayəndələri ən çox risk altındadırlar. Söhbət xüsusilə IT-mütəxəssislərindən, inzibati və kommersiya menecerlərindən, alim və mühəndislərdən, ixtisaslı dövlət qulluqçularından gedir.
Eyni zamanda, hesabatda işin optimallaşdırılması və yeni texnologiyaların tətbiqi ilə bağlı süni intellektdən istifadənin müsbət tərəfləri də təhlil edilib. Belə ki, İtaliyanın kiçik və orta müəssisələrinin 6,9 faizi artıq robotlardan istifadə edir ki, bu göstərici Avropda orta hesabla 4,6 faiz, Almaniyadakından isə (3,5 faiz) iki dəfə yüksəkdir.
L.AZAD, “Xalq qəzeti”