İnternet oyunları sevənlərin nəzərinə: Artıq “Youtube”da da əyləncəli oyunlar mümkün olacaq. “Playables” funksiyası üzərində işləyən platforma hələlik istifadəçilər üçün sadə oyunlar təklif edir.
Oyunları mobil cihazlarda və masaüstü kompüterlərdə də oynaya biləcəksiniz. Artıq bəzi oyunların sadələşdirilmiş versiyalarının istifadəçilər üçün təqdim ediləcəyi planlaşdırılır. “Youtube” bu addımı reklam sahəsində gəlirlərin azalması səbəbindən atır. Buna görə də oyunlararası bir neçə dəqiqədə reklamların verilməsi nəzərdə tutulur. “Youtube” bu addımla reklamçılar üçün cəlbedici məkana çevrilməyi hədəfləyir.
F. HÜQUQQIZI, “Xalq qəzeti”
