Kanadanın Hamilton şəhərində yaşayan fotoqraf İsmayıl Hüseynovun Toronto Azərbaycan Evində “Mən Azərbaycandanam” mövzusunda fərdi fotosərgisinin açılış mərasimi keçirilib.
Tədbirdə Toronto və Hamilton şəhərlərində yaşayan Azərbaycan icmalarının və digər millətlərin nümayəndələri iştirak ediblər.
Qonaqları salamlayan Azərbaycan Evinin direktoru Lalin Həsənova hər bir azərbaycanlının doğma ocağına çevrilən Toronto Azərbaycan Evində indiyədək təşkil olunmuş tədbir və görüşlərdən danışıb.
Sonra ziyarətçilər Azərbaycanın görməli yerlərini və füsunkar təbiətini əks etdirən fotoşəkillərlə tanış olublar.
Fərdi sərgisi münasibətilə azərbaycanlı fotoqrafı təbrik edən icma üzvləri və qonaqlar rəsm əsərləri barədə fikirlərini bölüşüblər. Azərbaycanın zəngin mədəniyyəti, füsunkar təbiəti və turizm imkanları barədə qonaqlara ətraflı məlumat verilib.
Anar ƏLİ,
“Xalq qəzeti”
