ABŞ-ın Suriyaya qarşı cari sanksiyaları zəlzələdən xilasetmə ilə bağlı əməliyyatlara təsir etməyəcək. Bu, ABŞ Xəzinədarlığı tərəfindən verilmiş ümumi lisenziyadan irəli gəlir. 8 avqust 2023-cü il tarixinədək etibarlıdır. Aydınlaşdırılır ki, neftlə bağlı əməliyyatlar, sanksiyalara məruz qalan şəxslər və Suriya hökuməti ilə qarşılıqlı əlaqə hələ də qadağandır.
ABŞ hakimiyyəti Türkiyə və Suriyadakı zəlzələlərdən sonra humanitar yardım göstərmək üçün də 85 milyon dollar ayıracaq. Bu barədə vəsaitin ayrılacağı ABŞ Beynəlxalq İnkişaf Agentliyinin (USAID) bəyanatında deyilir. USAİD-in Fəlakətlərə Yardım Qrupu (DART) fevralın 6-da baş verən zəlzələdən bir neçə saat sonra səfərbər edilib. Hazırda DART Adıyaman, Adana və Ankarada fəaliyyət göstərir, qrupa 200-ə yaxın insan daxildir, onlardan 159-u axtarış-xilasetmə personalıdır. Onun əsas prioriteti insanları dağıntılar altından çıxarmağa kömək etməkdir.
"Xalq qəzeti"
.jpg)
