Mütəxəssislərin söylədiklərinə görə, xalq təbabətində kartofdan geniş istifadə edilir. Çünki kartof vitamin və mineral anbarıdır. Tərkibində, həmçinin dəriyə müsbət təsir göstərən antioksidantlar var.
Təbabətdə bağırsaqların işini normallaşdırmaq üçün acqarına, gündə yarım stəkan kartof suyu içilir. Ancaq özünü müalicə etmək qərarına gəlməzdən əvvəl mütləq həkimlə məsləhətləşmək lazımdır.
Kartofdan üz maskalarını isə mütəxəssis məsləhəti olmadan etmək olar. Dəriyə pasta şəklində tətbiq olunan xam kartof onu nəmləndirməyə və toksinləri çıxarmağa kömək edir.
Bundan əlavə, kartof suyundan yanıqları müalicə etmək üçün də istifadə edilir. Bu, yanıqların sağalmasını sürətləndirir.
Mütəxəssislərin fikrincə, təzə kartof şirəsi mədə yaralarını, qastriti də sağaldır.
Z.BAYRAM, “Xalq qəzeti”
.jpg)
