Laçın–Xankəndi yolunda azərbaycanlı fəalların etiraz aksiyası yüksək tribunalara çıxarılır, bu haqda dünya mətbuatının manşetlərində yazılır, geniş ictimaiyyətdə müzakirələrə səbəb olur. Çox vaxt Azərbaycanın haqlı mövqeyi açıq şəkildə söylənilir. Ekoaksiya iştirakçıları Beynəlxalq Qırmızı Xaç Komitəsinə (BQXK) və Rusiya sülhməramlılarına məxsus humanitar təyinatlı avtomobillərin Laçın yolundan maneəsiz keçidinə şərait yaradırlar. Avtomobillərdə erməniəsilli şəxslər də olur.

Beynəlxalq analitiklər, siyasətçilər dəfələrlə vəziyyəti şərh edərkən bildi­rirlər ki, azərbaycanlı fəallar yolu hu­manitar məqsəd üçün tamamilə açıq saxlayırlar. Bundan başqa, ekofəallar ərazilərimizin çirkləndirilməsinə, su hövzələrimizin və meşələrimizin məhv edilməsinə, təbii sərvətlərinin qanun­suz istismarına qarşıdırlar.

Məsələ ilə bağlı hüquq müdafiəçi­si Novella Cəfəroğlu Hüquq Müdafiə Təşkilatları monitorinq qrupunun Ermə­nistanda insan hüquq və azadlıqlarının pozulması faktları ilə bağlı hesabatın təqdimatına dair tədbirdə deyib ki, La­çın–Xankəndi yolunda uzun müddət­dir ekoloji terrora qarşı aksiya keçirilir. Amma beynəlxalq təşkilatların heç biri buna reaksiya vermir.

Həmçinin Milli Məclisin Sədri Sahi­bə Qafarova Qoşulmama Hərəkatı Par­lament Şəbəkəsinin İkinci Konfransın­da Ermənistan parlamentinin spikerinin yalanlarını ifşa edib. Belə ki, Ermənis­tan parlamentinin sədrinin Laçın yolu­nun, guya, “blokada”da olması ilə bağlı əsassız iddialarını tamamilə rədd edən Sahibə Qafarova diqqətə çatdırıb ki, Laçın yolu mülki və humanitar avtomo­billərin maneəsiz keçidi üçün açıqdır. Milli Məclisin Sədri bu faktın ərazidə fəaliyyət göstərən müvafiq beynəlxalq təşkilatlar və xarici jurnalistlər tərəfin­dən təsdiq olunduğunu da qeyd edib. 

Bu aksiya həm də ermənipərəst dövlətlərin qərəzli münasibətini, iki­li standartını göstərdi. Reallıq budur ki, həqiqət onlara da aydındır. Dünya mediasının manşetlərini bəzəyən La­çın–Xankəndi yolundan sərbəst keçən humanitar təyinatlı avtomobil karvanla­rı aksiyanın əsl məramını ortaya qoyur. Həqiqəti bilib susmaq ayıbdırsa, doğru­nu yalan kimi təqdim etmək, haqlı oldu­ğun anda ünvanına haqsız ittihamların deyilməsi qarşı tərəfin vicdansızlığın­dan xəbər verir. Azərbaycan belə kiçik maneələrdə ilişmir, çünki o, regionun lideridir, ədalətin tərəfindədir, haqqı­nın tapdalanmasına göz yuma bilməz. Əslində, bu qərəzli yanaşma bizə yad deyil, bunu Ermənistan tərəfindən tor­paqlarımızın 30 illik işğalı dövründə də görmüşdük. Nəhayət, Azərbaycan Er­mənistanı cəzalandırdı, ona 44 gün əsl dərs verdi. Hazırda bu missiyanı Azər­baycan gəncləri Laçın–Xankəndi yo­lunda birlik nümayiş etdirməklə yerinə yetirirlər. Heç bir ikili standart, riyakarlıq Azərbaycanı haqq yolundan döndərə bilməz.

Rizvan FİKRƏTOĞLU, “Xalq qəzeti”