Slovakiyanın müdafiə naziri vəzifəsini icra edən Yaroslav Nad Kiyevə MiQ-29 qırıcı təyyarəsi və “Kub” zenit-raket kompleksinin verilməsi ilə bağlı hökumətlərarası sazişi imzalayıb. Bu ölkənin prezidenti və parlament sədri də qərarla razıdır. Məlumatı “İzvestiya.ru” verib.
Bundan əvvəl Polşa da Ukraynaya MiQ-29 təyyarələrinin veriləcəyini bildirib. ABŞ-ın Dövlət katibi Entoni Blinken bu addımları dəstəkləyərək deyib ki, Kiyevə hansı silahların verilməsi barədə qərarı müttəfiqlərin özləri qəbul edirlər.
Ukraynanın şərqində isə müxtəlif istiqamətlərdə Rusiya qüvvələrinin hücumları davam edir. Əsas hədəf yenə də Baxmutdur. Şəhər uğrunda döyüşlər səngimir. Zaporojye istiqamətində də zərbələr endirilir. Məlumatı UNİAN verib.
Paşa ƏMİRCANOV, “Xalq qəzeti”
.jpg)
