İqtisadi İslahatların Təhlili və Kommunikasiya Mərkəzinin operatoru olduğu “Azexport.az” portalının rəhbəri Ayxan Qədəşov Belarusun nüfuzlu topdansatış şəbəkəsinin rəhbəri Andrey Drozden ilə görüşüb.
Mərkəzdən qəzetimizə bildirilib ki, müzakirə zamanı A.Qədəşov “Azexport.az”ın fəaliyyəti barədə ətraflı məlumat verib, eyni zamanda, adıçəkilən portalda olan Azərbaycan məhsullarının onlayn nümayişini həyata keçirib.
Andrey Drozden də rəhbərlik etdiyi şirkətin fəaliyyəti barədə təqdimat edib. Daha sonra isə Belarusa Azərbaycan məhsullarının ixracı üçün ilkin anlaşmanın qeydə alındığını bildirib. Belarusun nüfuzlu topdansatış şəbəkəsinin rəhbəri xarici sahibkarlara müvafiq prosedurların başlanılması üçün istehsalçı şirkətlərlə əlaqələrin qurulmasında dəstək göstərildiyini də vurğulayıb.
“Xalq qəzeti”