Azərbaycan Basketbol Federasiyasının prezidenti Emin Əmrullayev, Fransaya səfəri zamanı Fransa Basketbol Federasiyasının prezidenti Jan-Piyer Siyuta ilə görüş keçirib.
Azərbaycan Basketbol Federasiyasının mətbuat xidmətindən aldığımız məlumata görə, Parisdə keçirilən görüş zamanı iki ölkə arasında basketbol üzrə təcrübə mübadiləsinin aparılması və qarşıdakı planlar barəsində söhbət baş tutub. Görüşün sonunda tərəflər bir-birinə simvolik milli hədiyyələr verib, xatirə şəkilləri çəkdiriblər.
Qeyd edilib ki, may ayında Almaniyanın Münxen şəhərində keçiriləcək seçkilərdə FİBA-nın Avropa üzrə prezidentliyinə iki namizəddən biri məhz cənab Jan-Piyer Siyutadır.
Elçin AĞAMİRZƏ, “Xalq qəzeti”