Bir neçə saat öncə Yeni Kaledoniyanın Kanaki şəhərində fəaliyyət göstərən siyasi məhbuslara dəstək təşkilatının kollektivindən xüsusi məktub gəlib.

XQ xəbər verir ki, bu barədə jurnalistlərə açıqlamasında Bakı Təşəbbüs Qrupunun rəhbəri Abbas Abbasov deyib.

“Həbs edilən şəxslərin ailələri təşkilatımız tərəfindən göstərilən dəstəyə görə xüsusi minnatlarlıq bildirir. Vurğulamaq istərdim ki, bizim fəaliyyətimiz həm keçmiş, həm də indiki koloniyalar tərəfindən yüksək qiymətləndirilir. Bildiyiniz kimi, keçmiş müstəmləkələrlə əməkdaşlığa 1-2 ay öncə başladıq. Əsasən hazırda müstəmləkəçilik siyasətindən zərər çəkən, yəni hazırda müstəmləkə olan regionlarla sıx əməkdaşlıq edirik”, - deyə o bildirib.

Qeyd edək ki, Bakı Təşəbbüs Qrupunun təşkilatçılığı ilə “Afrikada Fransanın neokolonializm siyasətinə” həsr edilmiş beynəlxalq konfrans öz işinə başlayıb.

Konfransda Afrikanın Seneqal, Burkina-Faso, Kamerun, Qvineya-Bisau, Konqo Demokratik Respublikası, Mavritaniya, Zimbabve, Niger, Fransa və Fransanın əsarəti altında olan Mayot adasının nümayəndələri iştirak edirlər.

Anar ƏLİ

 XQ