Masallı Tarix-Diyarşü­naslıq Muzeyində “Qəh­rəmanlarımızı tanıyaq” la­yihəsi çərçivəsində şəhid Famil Əlizadənin 25 illik yubileyinə həsr olunmuş “Əbədiləşən ömürlər” adlı tarix dərsi keçirilib. 

Nəriman Nərimanov adı­na 2 nömrəli Masallı şəhər tam orta məktəbin müəllim və şagirdlərinin qatıldığı tədbir­də muzeyin direktoru Əntiqə Tağıyeva 30 illik mübarizəyə söykənən Böyük Qələbənin özəllikləri barədə ətraflı məlu­mat verib.

Muzeyin əməkdaşı Se­vinc Əliyeva isə Vətən mü­haribəsinin qəhrəman şəhidi Famil Əlizadənin həyat və döyüş yolu haqqında geniş məruzə edib. Həmçinin şa­girdlərlə şəhidlər barəsində sual-cavab aparılıb. Tədbir­dən sonra Famil Əlizadənin məzarı ziyarət edilib, üzərinə gül dəstələri qoyulub. 

...Famil Əlizadə Masal­lının Ərkivan qəsəbəsində dünyaya gəlib. 2016-cı ildə orta məktəbi bitirib, təhsilini 2 saylı Bakı Peşə Liseyin­də davam etdirib. Əsgərliyi cəbhə bölgəsinə düşən Fa­mil Vətəni göz bəbəyi kimi qoruyub, Qarabağımızın azadlığı uğrunda düşmənlə döyüşə həmişə hazır olub. 

Buna görə də İkinci Qa­rabağ müharibəsi başlanan­da könüllü olaraq döyüşlərə atılıb. Vətən sevdalısı ilk gün­dən yağılara qan qusdurub. Füzuli rayonunun Yuxarı Əb­dürrəhmanlı kəndinin alınma­sında, sözün əsl mənasında, tarix yazıb. 2020-ci il oktyab­rın 21-də onun Vətənlə bir döyünən ürəyi düşmən güllə­sinə tuş gəlib. Məzarı doğma Ərkivan qəsəbəsində özünə əbədi məkan tapıb. Ölü­mündən sonra 3-cü dərə­cəli “Vətənə xidmətə görə” ordeninə, “Cəsur döyüşçü”, “Vətən uğrunda” və digər me­dallara layiq görülmüş Fami­lin vaxtilə yaşadığı küçə indi onun adını daşıyır.

Əli ƏLİYEV
XQ