“Four Seasons” otelində ölkəmizdə “Heydər Əliyev İli” çərçivəsində Hüquq və İnsan Haqları İnstitutunun 25 illik yubileyinə və Beynəlxalq İnsan Hüquqları Gününə həsr olunmuş toplantı keçirildi.

Məclisin əvvəlində institutun əmək­daşlarının hüququn müxtəlif sahələrinə dair yeni çapdan çıxmış kitablarının təq­dimatı oldu. 

Sonra Hüquq və İnsan Haqları İns­titutu İdarə Heyətinin sədri Məhəmməd Quluzadə rəhbərlik etdiyi kollektivin 25 il ərzində həyata keçirdiyi işlər barədə ətraflı məlumat verdi. Qeyd olundu ki, ulu öndər Heydər Əliyevin təşəbbüsü ilə yaradılan bu elm ocağında ötən müd­dət ərzində 228 elmi iş müdafiə olunub 700-dən çox tələbə və məzun təcrübə keçib, 1500-ə yaxın kitab, dərslik və məqalə dərc edilib. Bundan əlavə, 150-dən çox qanuna təklif və rəy hazırlanıb, yüzlərlə insan təlimlərə cəlb edilib. Yeni yaradılan “Ulu öndər Heydər Əliyev adına Virtual Hüquq Kitabxanası”nda istifadəçilər tərəfindən 60 mindən çox yükləmə qeydə alınıb.

Sonra Milli Məclis sədrinin birinci müavini, Hüquq siyasəti və dövlət qu­ruculuğu komitəsinin sədri Əli Hüsey­nli kollektivi yubiley münasibətilə təbrik etdi. O, bildirdi ki, Heydər Əliyev İli çər­çivəsində institutun 25 illik yubileyinin və Beynəlxalq İnsan Hüquqları Gününün qeyd edilməsi təsadüfi deyil. Ulu öndər həmişə Azərbaycan xalqının, ümumilik­də, dünya azərbaycanlılarının hüquqla­rının qorunması istiqamətində fəaliyyət göstərib. Böyük rəhbər həmişə demok­ratiya və qanunun aliliyi prinsipinə hör­mətlə yanaşıb. Təəssüf ki, 1987–1993-cü illərdə xalqımızın həm fərdi, həm də milli hüquqları sistemli şəkildə pozul­muşdur. 

1993-cü ildə Heydər Əliyevin Azər­baycanda hakimiyyətə yenidən qayıdı­şından sonra insan hüquqlarına önəm verməyə başlandı. Mətbuatda senzu­ra ləğv edildi, ölüm cəzasının ləğvi ilə bağlı tədbirlər görüldü. İnsan hüquqları sahəsində Azərbaycan BMT konvensi­yalarına qoşuldu və 2001-ci ildə ölkəmiz Avropa Şurasına tamhüquqlu üzv qəbul olundu. Heydər Əliyev çağdaş tariximi­zin ən böyük hüquq müdafiəçisi kimi xalqımızın yaddaşında əbədi yaşaya­caq.

Prezident Administrasiyasının sektor müdirləri Rüstəm Qasımov və Həbib Abdullayev kollektivin ölkəmizdə insan haqları anlayışının geniş yayılmasında, bu mövzunun elmi baxımdan araşdırıl­masında institun xidmətlərini qeyd et­dilər, kollektivə yeni uğurlar arzuladılar. 

BMT-nin İnkişaf Proqramının rezi­dent nümayəndəsinin səlahiyyətlərini icra edən xanım Alessandra Rokkasalvo insan hüquqlarının təmsil etdiyi qurumun institutla səmərəli əməkdaşlığından söz açdı, qarşıdakı fəaliyyət istiqamətlərini vurğuladı. 

Milli Məclisin deputatı hüquq elmləri doktoru Nizami Səfərovun moderator­luğu ilə “Azərbaycanda hüquq elminin mövcud problemləri, yeni prioritetləri və perspektivləri” mövzusunda aparılan müzakirələrdə hüquqşünas alimlər və dövlət qurumlarının əməkdaşları sahə elminin inkişafı ilə bağlı təkliflərini bildir­dilər, problemlərdən və önəmli vəzifələr­dən danışdılar. Onlar qaçqın və məcburi köçkünlərin doğma yurdlarına qayıdışını təmin etmək üçün hüquqi bazanın yara­dılmasının vacibliyini söylədilər.

Qabil YUSİFOĞLU
XQ