Görkəmli fırça ustası Vəcihə Səmədova “Azərbaycan bəstəkarları” əsərini 1951-ci ildə ərsəyə gətirmişdir. Rəssamın bu tabloda başlıca məqsədi dahi Azərbaycan bəstəkarı Üzeyir Hacıbəylinin şəxsiyyətinə və milli musiqimizə verdiyi töhfələrə münasibətini bildirmək idi. 

Böyük sənətkarın ətrafında öz yetirmələri olan gənc bəstəkarla­rın təsvir edilməsi onu göstərir ki, Üzeyir bəy vaxtikən gənc musiqi­çilərə daim diqqət yetirmiş, onla­rın ən müxtəlif problemlərini həll etməyə çalışmışdır.

Əsərdə işıqlı otağın interyeri də sanki dinlənilən musiqi ruhuna yaxın nikbin tutumludur. 

Tablodakı təbiilik, eyni za­manda fiqurların düzülüşünə görə kompozisiyaya ritmli dinami­ka bəxş etməsi tamaşaçını özünə cəlb edir. Rəsmə ilk nəzər yetir­dikdə rənglərin qabarıqlığı hiss edilməsə də, diqqətlə baxdıqda görürük ki, musiqiçilərin geyimlə­rində qəmli rəng çalarlarından da istifadə olunub. 

“Azərbaycan bəstəkarları” sü­jetli tablosu Azərbaycan rəngkar­lığının yaddaqalan nümunələrin­dən sayılır. Tarixi əhəmiyyət kəsb edən əsərin bu gün dahi bəstəka­rın ev-muzeyini bəzəməsi əsərin yüksək dəyər daşımasından irəli gəlir.

Leyla HADİ,
tələbə-jurnalist