Ölkəmizdə də sitrus meyvələrindən geniş istifadə edilir. Çaya bir dilim limon əlavə etməyi və ya portağal yeməyi çoxumuz xoşlayırıq. Bununla da immuniteti gücləndiririk.
Ancaq az adam bilir ki, sitrus qabığından da istifadə edilə bilər. Məsələn, sitrus qabığından əla hava təravətləndiricisi hazırlamaq olar. Bunun üçün ona bir az mixək əlavə etmək kifayətdir. Sonra onu çantaya və ya qutuya qoyub paltar rəfində saxlamaq və ya avtomobilə asmaq olar.
Mətbəxdəki lövhələrin üzərinə bir az duz səpib portağal qabığı ilə yaxşıca sürtməklə pis qoxulardan da xilas ola bilərsiniz. Qabıqdan həşəratları qovmaq üçün də istifadə etmək mümkündür. O, yaxşıca xırdalanmalı, əzilməli və yanınızda saxlanmalıdır. Bundan sonra ağcaqanadlar sizi narahat etməyəcək.
P.ƏFƏNDİ, “Xalq qəzeti”