İyulun ilk həftəsində Yer kürəsində bütün meteoroloji müşahidələr tarixində rekord yüksək temperatur qeydə alınıb. Bu barədə Ümumdünya Meteorologiya Təşkilatı məlumat yayıb.
Bildirilib ki, iyulun 4-cü və 7-ci günlərində orta temperatur, təxminən, 17,2 dərəcə selsi olub. Bu, istiləşmə effekti ilə tanınan El Nino təbiət hadisəsinin baş verdiyi 2016-cı ilin avqustunda qeydə alınan əvvəlki rekorddan 0,3 dərəcə yüksəkdir.
Avropa Kopernik İqlim Dəyişikliyi Xidməti dəniz səthində dünyanın ən isti gününü qeydə alıb.
“Xalq qəzeti”