Azərbaycan Dövlət Su Ehtiyatları Agentliyi bölgələrdə qəsəbə və kənd əhalisinin içməli su təminatının yaxşılaşdırılması məqsədilə layihələrin icrasını davam etdirir. Azərbaycan Respublikasının Prezidenti İlham Əliyevin təsdiqlədiyi regionların sosial-iqtisadi inkişafı Dövlət Proqramına uyğun olaraq Hacıqabul rayonunun Muğan qəsəbəsinin içməli su təchizatı yaxşılaşdırılır. 

Muğan qəsəbəsinin içməli su təc­hizatının yaxşılaşdırılması məqsədilə icra olunan layihənin birinci mərhələsi üzrə işlər yekunlaşmaq üzrədir. Layihə çərçivəsində qəsəbədə yeni mərkəzləş­dirilmiş su təchizatı şəbəkəsi yaradılır. Xatırladaq ki, 1970-ci illərin sonlarında Kür–Bakı magistral kəmərindən Muğan qəsəbəsinə içməli su verilib. Həmin vaxt qəsəbənin bir hissəsində su şəbəkəsi yaradılıb. Lakin ötən müddətdə qəsə­bənin ərazisi genişlənərək əhalinin sayı 3 dəfəyədək artıb. Qəsəbənin paylayıcı şəbəkə ilə əhatə olunmayan ərazilərin­də əhalinin bir hissəsi tikinti normalarına uyğun olmayaraq çəkilmiş fərdi xətlərdən istifadə edib, bəzi sakinlər isə içməli suyu maşınlarla alıb. 

Mövcud içməli su şəbəkəsi isə istis­mar müddətini başa vurduğundan qəsə­bənin su təchizatında çətinliklər yaranır­dı. İstismar müddəti başa çatmış şəbəkə və əhali tərəfindən primitiv çəkilmiş su xətləri həm də ciddi su itkilərinə səbəb olurdu. Mərkəzləşdirilmiş şəbəkənin ya­radılması içməli su təchizatındakı prob­lemlərin aradan qaldırılması ilə yanaşı, yeni abonentlərin də su təchizatı siste­minə qoşulmasına imkan verib.

Qeyd edək ki, layihə çərçivəsində Kür–Bakı su kəmərindən Muğan qəsəbə­sinə əlavə çıxış verilib və 2 kilometr uzun­luğunda magistral su xətti çəkilib. Eyni zamanda, qəsəbə ərazisində 10 kilometr uzunluğunda yeni mərkəzləşdirilmiş iç­məli su şəbəkəsi yaradılıb, abonentlərə ev birləşməsi verilərək sayğaclar quraş­dırılıb. 6 minədək sakinin yaşadığı Mu­ğan qəsəbəsinin digər ərazilərində isə yeni içməli su şəbəkəsinin yaradılması layihənin növbəti mərhələlərində həyata keçiriləcək. Bununla da, qəsəbə sakinləri dayanıqlı və keyfiyyətli içməli su ilə təmin olunacaq, dəqiq uçot qurulmaqla su it­kiləri minimuma endiriləcək və israfçılığın qarşısı alınacaq.

“Xalq qəzeti”