Sosial şəbəkələrdə fəallığı ilə seçilən bir nəfər tanınmış qələm əhli bu gözəl fotonu özünün “Facebook” səhifəsində yerləşdirərək belə yazıb:
“Könül bağçanızda gül bəsləyin ki, gözəl olasınız, gözəl görünəsiniz, gözəl görəsiniz, ən nəhayət, gözəl seviləsiniz, gözəl sevəsiniz...”
Məncə, güllərin gözəlliyinə yaraşıq qatan bu körpə qız (qəlbimdə adını “Güldəstə” qoydum) barədə də nəsə demək, yazmaq lazım idi. Bu barədə bir-iki kəlmə yazmaq istədim, gördüm ki, bu yerdə söz acizdir.
Düşündüm ki, ən yaxşısı, Allahın yaratdığı ilahi gözəlliyi seyr edərək ondan zövq almaqdır. Hörmətli oxucular, siz necə düşünürsünüz?
Yadınıza onu da salmaq istəyirəm ki, bu gün 1 İyun Uşaqların Beynəlxalq Müdafiəsi Günüdür.
M.HACIXANLI, “Xalq qəzeti”