Mingəçevirdə “Aprel döyüşləri: Böyük zəfərin müqəddiməsi” mövzusunda konfrans keçirilib. Iştirakçılar əvvəlcə Heydər Əliyev Mərkəzində Aprel döyüşlərini əks etdirən şəkillərlə, şagirdlərinin etdirən əl işlərindən ibarət sərgi ilə tanış olublar.
Mingəçevir şəhər icra hakimiyyətinin başçısı İlham İsmayılov konfransı açaraq billdirib ki, 2016-cı il aprel ayının əvvəlində erməni qəsbkarların növbəti təxribatına cavab olaraq silahlı qüvvələrimizin apardığı uğurlu əks-hücum əməliyyatı ölkəmizin işğal edilmiş ərazilərini hərbi yolla azad etməyə qadir olduğunu bütün dünya göstərdi. Bu döyüşlərdə işğal altında olan 2 min hektaradək ərazi azad edildi.
DQİDK Yevlax bölgəsi üzrə şöbənin baş məsləhətçisi Əlisa Fərəcov, şəhid Rüstəm Əhmədovun atası Oruc Əhmədov, Rahim Tağıyevin həyat yoldaşı Vüsalə Tağıyeva, Adil Adilzadənin anası Gülnarə Abdullayeva, YAP şəhər təşkilatının sədri Bəxtiyar Mustafayev, şəhər veteranlar təşkilatının sədr müavini Rizvan Mikayıllı, şəhər Bələdiyyəsinin şöbə müdiri Zahid Qasımlı qeyd ediblər ki, Aprel döyüşləri tarixə ordumuzun qüdrətinin, qəhrəmanlığının, xalqımızın həmrəyliyinin və öz rəhbəri ətrafında sıx birliyinin təcəssümü kimi yazılıb.
Konfransda bildirilib ki, Aprel döyüşlərində şəhid olmuş 4 mingəçevirlinin –Teymur Qasımovun, Adil Adilzadənin, Rüstəm Əhmədovun və Rahim Tağıyein adları şəhərdə əbədiləşdirilmiş, hər birinin adına küçə verilmiş, ikisinin ailəsi mənzillə təmin edilmiş, ikisinin də ailəsinin mənzilləri yenidən tikilmişdir.
İ. MUSAOĞLU,
“Xalq qəzeti”nin bölgə müxbiri
