Əmək Münasibətlərinin Tənzimlənməsi və Koordinasiyası Komissiyası yanında yaradılmış Qanunvericilik və İdarəetmə üzrə işçi qrupu qeyri-formal məşğulluğun qarşısının alınması sahəsində ölkəmizdə son illər aparılan işləri və əldə olunan müsbət nəticələri müzakirə edib. Komissiyanın bu il fevralın 22-də keçirilmiş iclasında verilmiş tapşırığa uyğun olaraq, qeyri-formal məşğulluğun qarşısının alınması istiqamətində qanunvericilik aktlarının təkmilləşdirilməsi və bu sahədə qarşıda duran vəzifələrlə bağlı məsələlər diqqətə çatdırılıb.

Azərbaycan Respublikasının Prezidenti yanında Vətəndaşlara Xidmət və Sosial İn­novasiyalar üzrə Dövlət Agentliyinin Əmək Münasibətlərinin Monitorinqi Mərkəzinin nü­mayəndəsi qeyri-formal əmək münasibətlə­rinin tənzimlənməsi ilə bağlı Analitik Monito­rinq sistemi vasitəsilə təhlillərin aparılması istiqamətində təqdimat edib. Həmçinin qey­ri-formal məşğulluğun qarşısının alınması istiqamətində qanunvericilik aktlarının təkmil­ləşdirilməsi işləri, hazırlanmış yeni layihələr müzakirə olunub.

Qeyd edək ki, iclasda Əmək və Əhalinin Sosial Müdafiəsi, İqtisadiyyat, Ədliyyə, Maliyyə, Fövqəladə Hallar nazirliklərinin, Dövlət Statisti­ka, Dövlət Şəhərsalma və Arxitektura komitələ­rinin, Sahibkarlar (İşəgötürənlər) Təşkilatları Milli Konfederasiyası və Azərbaycan Həmkarlar İttifaqları Konfederasiyasının nümayəndələri iş­tirak ediblər.

Z.HÜSEYNOVA, “Xalq qəzeti”